Konsèy dépatmantal-la ka owganizé Kréyòl an mouvman, Mwa kréyol, jiska vandrèdi 31 oktòb.
Bayalé a lanné lasa sété sanmdi swa 4 oktob koté sétèd swa asi bitasyon La Ramée Sentwoz alantou a on bèl tématik
Annou fè yonn.
Sa nou kriyé wonn a véyé annou èvè dé mèt mannyòk ki an tout péyi la kon Èznar Boidur, Emannyèl Kancel dit Gaz-la,
Ti Bénin, Rafaèl Annerose dit Fayo, Ti Jan, moun a Atètipo é Patrik Solvet, san konté sa nou paka menm nonmé non a yo men ki ké la adan on bèl lyannaj pou nou fè yonn alantou a sa ki tan nou é gloriyé véyé annou.
Konsèy dépatmantal-la ké bay kadans a mwa lasa èvè onlo onlo dòt manifestasyon kon :
- Latilyé kont é mizik pou ti moun èvè Kontakaz an sant kiltirèl sentann sanmdi 11 oktòb.
- Gran ripaj a maké Kréyòl, kon chak lanné épi gran bèl dikté annou toujou lè 11 oktòb ki ké pèwmèt nou sélèksyoné lé gromodan an tout bibliotèk é médiatèk a komin Zabim, Bémao, Gozyé, Granbou marigalant, Moul, la Lézad Tibou,
Twarivyè, Lapwent, Pwentnwa, Powlwi é Sentann. Dènnyé dè, lété pou la final sanmdi 18 oktòb an Rézidans
dépatmantal-la o Gozyé. - Dimanch 26 oktòb asi laplas Laviktwa Lapwent, nou ka sanblé pou fè yonn èvè tout kalité moun ki ka viv an
Gwadloup é sodifyé siman la ki ka lyanné nou la.
